Dit is my eerste keer dat ek skryf. Ek is nogal so bietjie bang vir die internet, maar laat ek prbeer. Ou seun, goeie kos is al wat help vir krampe. Jare terug toe my dierbare Dina nog geleef het, het ons vreeslik baie gaan dans by Babsfontein. Ek het ook toe die krampe in my kuite gekry , veral in die aande. 'n Goeie bord boerekos wat lekker vleis, rys, gebakte aartappels, pampoen en groenbone insluit, het die probleem opgelos. In die oggende moet jy krummelpap en volroom melk vir ontbyt eet. Jy moet ook sorg dat jy fiks is. Loop baie meer en los die ge-oefen in die gimnasium. Jy doen dit allegeval slegs om na die fraaie meisies in hulle nousluitende katpakkies te kyk. Ek het nou begin fietsry en vind dit baie lekker. Geen krampe nie. Ek skryf dit toe aan die goeie kos wat ek eet.
