They somehow need to pay for all these "freebies" and "discounts" Discovery se premies styg skerp Deur Nellie Brand-Jonker 20 September 2016 13:19 http://www.netwerk24.com/Sake/Geldsake/reuse-skok-vir-discovery-lede-20160920 Die reuse- mediese skema Discovery Health het pas aangekondig dat lede se premies in 2017 met tussen 7,8% en 14,9% gaan styg. Dit kom neer op ’n gemiddelde verhoging van 10,2% oor al Discovery se planne heen. Discovery Health Medical Scheme (DHMS) is die grootste oop mediese fonds in die land en die eerste wat sy verhogings en die veranderinge aan sy voordele vir volgende jaar aan die makelaarsbedryfbekend maak. Die premieverhogings van mediese skemas tree begin Januarie in werking en al die skemas sal nou hul verhogings begin bekend maak. Discovery sê mediese inflasie gaan in die komende jaar met tot 20% styg. Dis ’n baie hoë styging wat verwag word en dit word deels aan meer hospitaalopnames toegeskryf. Volgens Milton Streak, hoofbeampte van die DHMS, kondig die skema ’n gemiddelde verhoging van 10,2% aan. Dit was verlede jaar 8,6%. Die verhoging is die geweegde gemiddelde styging, wat dieselfde getal lede van ’n opsie as in die vorige jaar gebruik om die gemiddeld te bereken. Vir die verskillende planne styg dit tussen 7,8% en 14,9%. Dit is as volg vir sy verskillende planne: Executive en Comprehensive: 11,9%.Coastal Core: 14,9%. Die plan het wesenlike verhogings in die gebruik van hospitaaldienste beleef.Coastal Saver: 7,8%Alle ander planne: 9,9%.Streak het in ’n verklaring gesê dit beteken die meeste lede van die skema gaan ’n verhoging van 9,9% of laer hê. Dr. Jonathan Broomberg, uitvoerende hoof van die fonds se administrateur, Discovery Health, sê die bedryf gaan na verwagting ’n voortgesette skerp styging in mediese inflasie van tussen 10% en 20% in 2017 ervaar. Hy sê vir die skema is die mediese inflasie tussen 10% en 15%. Die faktore wat mediese inflasie verhoog bo die land se inflasiekoers sluit in die verhogings van gesondheidsorgdienste se pryse bo die inflasiekoers plus hoeveel meer van dienste gebruik gemaak word. Laasgenoemde kan deur pasiënte óf die verskaffers van gesondheidsorg veroorsaak word. In die afgelope jaar het baie skemas gekla dat die opening van nuwe hospitale onmiddellik daartoe gelei het dat meer lede opgeneem is. Streak sê omdat die fonds finansieel gesond is, kan hy die impak van die hoër eise in ’n mate absorbeer. Hy sê die verhoging in premies is “billik” gehou om te verseker dat voordele behou kan word en die skema volhoubaar bly. Volgens Streak het voordele oor al die planne verbeter. Hy sê nieteenstaande die skerp styging is die skema se bydraes per maand per lid laer as die gemiddelde van die bedryf. Die meeste voordeelperke sal met 9,9% verhoog.
