Seems the little runt has fled to Zim, now there is a new one... Seun vlug glo Zim toe ná ma se kar 2 doodry 2010-10-18 22:15 Virginia Keppler Die 18-jarige seun wat twee motorfietsryers in Pretoria-Noord met sy ma se Hummer doodgery en nog een ernstig beseer het, het glo in ’n SMS aan haar gesê hy het na Zimbabwe gevlug. Hy wil glo huis toe kom, maar is te bang. ’n Betroubare bron het aan Beeld gesê die polisie het die ouers tot vandag kans gegee om hom te oorreed om hom oor te gee, anders sal hulle ’n lasbrief vir sy inhegtenisneming uitreik. Mnre. Pieter Coetzee (60) en JP Kruger (32) is op slag dood toe hulle in Rachel de Beerstraat raak gery is. Coetzee se seun, Pieter jr. (25), is in die Montana-hospitaal in Pretoria opgeneem. Ao. Matthews Nkoadi, polisiewoordvoerder, het gesê die verdagte het van die toneel af gevlug toe die Hummer aan die brand geraak het. Volgens die polisie beweer die ma nou sy het haar seun toestemming gegee om die motor te gebruik. Sy het kort ná die voorval gesê haar seun het die motor gesteel. “Die ma het later gesê sy weet nie watter een van haar twee seuns die motor gevat het nie. “Vanoggend het sy aan die polisie in die Pretoria-Noord-polisiekantoor gesê dit was haar 31-jarige seun wat die voertuig met haar toestemming geneem het,” het Nkoadi gister gesê. Mnr. Louis von Allermans, president van die Christian Motor-cyclists Association (CMA) se Hatfield-tak, wat Coetzee jr. gister saam met sy familie besoek het om hom van sy pa se dood te vertel, het gesê dit gaan goed met hom. Sy toestand is as bestendig beskryf. Before I get nailed for plagiarism, got this off the beeld website
