Die Naafland Afrikaanse draad

[fanievb]

Ek soek Plaaswerk asb‼
Ek het ervaring in:
• Die verkeerde perd opsaal, 
• Te veel hooi op die vurk laai, 
• 'n Eiertjie lê, 
• Jong osse inspan en
• Katte skiet.
Dan kan ek ook ou • koeie uit die sloot grawe en
• met die hele mandjie patats uitkom.

Ek sal 
•deur die wingerd loop met wingerdgriep en die 
• wrange vrugte pluk.
Vroeg smôrens sal ek 
• die room afskep, en op 
• eiers loop.

Ek kan natuurlik ook 
• balke saag, 
• twak verkoop, 
• appels swaai, en jou wys waar 
• Dawid die wortels gegrawe het.

My spesialiteit is om 
• pêrels voor die swyne te werp en met 
• 'n ander man se kalwers te ploeg.

Ek... 
• sal saam met die hoenders gaan slaap!

Ek sal vir jou 
• die bul by die horings pak.

My weiveld ondervinding is om vir 
• Wolf skaapwagter te maak en ook om 
• agteros in die kraal te kry na dit by 
• Daantjie in die kallerhok was.

Ek kan 
• skape tel.
• die dam onder die eend uitruk, en ek 
• kan hond haar afmaak.

Ek is 
• 'n perd van 'n ander kleur, ouens soos ek is 
• so skaars soos hoendertande.

Ek werk vir 
• 'n appel en 'n ui!

Laat weet my asseblief spoedig.
Ek kan enige tyd begin, 
• net nie hierdie Saterdag nie want 
• Jakkals het my genooi vir sy troue.
Hy trou met 
• Wolf se vrou.

[fanievb]

[fanievb]

[fanievb]

[CogitoErgoSum]

As jy sien die Vryheidsfront Plus het die hele kabinet oorgeneem, die Springbokke is weer no 1 in die wêreld, petrol kos weer R1.20 'n liter, biltong word gratis by jou huis afgelewer en die vis byt weer....dan moet jy weet die dagga wat jy rook, is uitvoergehalte[emoji263]

[fanievb]

https://www.facebook.com/neels.kleynhans/videos/10217048111817044/

[fanievb]

Ma het my geleer hoe om te bid: "Jy moet bid dat daardie kol op die mat uit is as ek vanaand by die huis kom"

 

Sy het my geleer van "time travel": "Ek sal jou tot in volgende week in klap!"

 

Sy het my geleer pa's is slimmer en ryker as ma's: "Gaan vra jou pa!"

 

Sy het my geleer oor plantkunde: "Lyk dit vir jou of geld op my rug groei?"

 

Sy het my geleer om altyd nederig en klein te wees: "Mejufroutjie!!!"

 

Sy het my van die weer geleer: "Dit lyk of 'n dekselse orkaan jou kamer getref het!"

 

Sy het my geleer van fauna en flora: "Moenie vir my vertel perdedrolle is vye nie!"

 

Sy het my geleer om myself te ontdek: "Hou op om jou soos jou pa te gedra!"

 

Sy het my die wetenskap van osmose geleer: "Hou jou mond en eet jou kos!"

 

Sy het my geleer van uithouvermoë: "Jy sal by daardie tafel sit totdat jy jou spinasie opgeëet het!"

 

Sy het my geleer van sintuie: "Kinders word gesien en nie gehoor nie!"

 

Sy het my geleer van humor: "Hou aan lag, dan gee ek jou iets om oor te huil ook!"

 

Sy het my van jaloesie geleer: "Daar is duisende arm kindertjies wat ouers soos joune begeer!"

 

Sy het geleer dat daar 'n plek en 'n tyd vir alles is: "As julle mekaar wil vermoor, gaan doen dit buite! Ek't nou net hier skoongemaak!"

 

Sy het my wiskunde geleer: "Sit jy alweer en tande tel!"

 

Sy het my logika geleer: "Want ek sê so, dis hoekom!"

 

Sy het my geleer dat wonderwerke nog kan gebeur: "Ek sal jou klap dat jy jou antie vir 'n eendvoël aansien as jy my weer terug antwoord!"

[Tromp]

Sy het haar gat gesien.

[fanievb]

[Allrounder]

of oor boerewors wat nie in n boerewors rol is nie....

[MrJacques]

 

As iemand se hulle het 'Vou mou' is dit waaraan ek dink

Edited November 8, 2018 by Jacquers

[MrJacques]

Ons taal het darem n paar baie goeie / beskrywende uitdrukkings!

 

https://www.thesouthafrican.com/afrikaans-idioms-translated-to-english/

[Allrounder]

Aangesien ons almal hou van fietsry

 

speeklos b.nw.

(Geselstaal) Wat ongesteld, onkapabel of nie by sy of haar volle verstand is nie.

[Allrounder]

Ek besoek die webblad af en toe. Moet eintlik n punt daarvan maak om dit meer gereeld te doen. 

 

https://afrikaans.com/ 

[CogitoErgoSum]

.

[Blokman]

Uitgevind dat die Hollanders 'n baie lekker woord het vir  polistireen. Hulle noem dit piepskuim.